स्वयम्भु ठूलो भर्याङ्गमा ट्याक्सीको ठक्करबाट स्कुटर चालकको मृत्यु

कपन अनलाइन

काठमाण्डौ ,चैत्र १९।

स्वयम्भु नजिकैको ठूलो भर्याङ्गमा विहिवार बिहान भएको दुर्घटनामा ट्याक्सीको ठक्करबाट स्कुटर चालकको घटनास्थलमै ज्यान गएको छ ।

चक्रपथमा बालाजुबाट स्वयम्भुतर्फ जाँदै गरेको बा१ज ३८८६ नम्बरको ट्याक्सीले विपरित दिशाबाट आइरहेको बा प्र ०२-२४प ४७४२ नम्बरको स्कुटरलाई ठक्कर दिँदा स्कुटरमा सवार २२ वर्षे शुभम् बज्राचार्यको घटनास्थलमै निधन भएको प्रहरीले बताएको छ ।

छाउनी निवासी मृतक बज्राचार्यको शव पोस्टमार्टमको लागि टिचिङ अस्पताल लगिएको छ भने ट्याक्सी चालक र घटनामा संलग्न स्कुटर ट्याक्सीलाई स्वयम्भु प्रहरी वृतको नियन्त्रणमा राखिएको छ ।