प्रहरी वृत्त नयाँ बानेश्वरकी हवल्दार त्रिभुवन विमानस्थलबाट पक्राउ

कपन अनलाइन

काठमाडौं ,फागुन २४।

महानगरीय प्रहरी वृत्त नयाँ बानेश्वरमा कार्यरत महिला हवल्दार ताराकुमारी श्रेष्ठलाई अख्तियारले पक्राउ गरेको छ । अख्तियार दुरुपयोग अनुसन्धान आयोगको टोलीले हवल्दार श्रेष्ठसहित अर्का एक जनालाई त्रिभुवन विमानस्थलबाट पक्राउ गरेको हो । हवल्दारसँगै पक्राउ पर्नेमा होटल सञ्चालक अनिश जोशी छन् ।

उनीहरुको साथबाट ११ लाख घुस रकम बरामद गरिएको छ ।  भन्सार चोरी, निकासीको आरोपमा गौशाला प्रहरीको हिरासतमा रहेका थुनुवालाई छुटाउँछु भनेर उनीहरुले घुस लिएका थिए ।