गोकर्णेश्वर –६ नारायणटारबाट यार्सा गुम्बासहित ४ जना पक्राउ

कपन अनलाइन

काठमाडौं ,मंसिर २८।

गोकर्णेश्वर नगरपालिका–६ नारायणटार लामा पेट्रोल पम्प नजिक बाट  बहुमूल्य जडिबुटी यार्सा गुम्बासहित ४ जना पक्राउ परेका छन् । पक्राउ पर्नेमा सिन्धुली दुधौली घर भएका २४ वर्षीय विशाल परियार, रामेछाप हिमगंगाका ५९ वर्षीय सुनिल तामाङ, सुर्खेत बराहतालका ५५ वर्षीय शेर बहादुर थापा र संखुवासभा चैनपुरका २२ वर्षीय हिमाल गुरुङ रहेका छन् ।

गोकर्णेश्वर नगरपालिका–६ नारायणटारको  लामा पेट्रोल पम्प नजिकमा अवैध रुपमा यार्सागुम्बाको खरिद बिक्रीको कारोबार गर्ने गरेको भन्ने गोप्य सूचनाको आधारमा प्रहरीले उनीहरुलाई  अवैध रुपमा ८६७ ग्राम यार्सागुम्बा लुकाईछिपाई राखेको अवस्थामा फेला परेको हो ।

महानगरीय प्रहरी वृत्त बौद्धबाट खटिएको टोलीले उनीहरुलाई सोधपुछ गर्दा यार्सागुम्बाको कारोबार तथा खरिद बिक्री गरेको कागजात नभएको पाइएको बौद्ध  प्रहरीले रातोपाटीलाई जानकारी दिएको छ  ।  पक्राउ परेका चारै जनालाई आवश्यक अनुसन्धान तथा थप कारवाहीका लागि डिभिजन वन कार्यालय शात्तिसारको जिम्मा लगाइएको छ ।