काठमाडौं, असोज २३। बुढानीलकण्ठ नगरपालिका शिक्षामा उत्कृष्ट नगरपालिकामा पर्न सफल भएको छ । Principals Association Nepal (PAN Nepal) ले गठन गरेको प्रा डा विद्यानाथ कोइरालाको संयोजक रहेको राम प्रसाद सुबेदी र नन्दकुमारी महर्जन सदस्य रहेको स्वतन्त्र विज्ञ मूल्यांकन समितिले मूल्यांकन गरेर सार्बजनिक गरेको नतिजामा बागमती प्रदेशमा शिक्षामा उत्कृष्ट नगरपालिका घोषणा गरिएको छ ।
देशभरीका विभिन्न प्रदेशबाट छनौट गरिएका उत्कृष्ट, प्रधानाध्यापक, विद्यालय र पालिकालाई PAN Nepal को आगामी मंसिर ४ देखि ६ सम्म जनकपुरमा हुने तस्रो राष्ट्रिय सम्मेलनमा सम्मान गरिने कार्यक्रम राखिएको छ।
शिक्षालय नेशनल म्याग्जिनले गरेको २०८० को मूल्यांकनमा नेपालभरीबाट उत्कृष्ट नगरपालिकामा बुढानीलकण्ठ नगरपालिका परेर पुरस्कृत समेत हुन गएको थियो ।
बुढानीलकण्ठ नगरपालिकाले प्रारम्भ गरेको शिक्षक बैंक, सघन शिक्षण सिकाइ सेसन , प्रधानाध्यापक/ शिक्षक/ कर्मचारी कार्यसम्पादन करार, रोजगार तथा वृत्ति मार्गदर्शन मेला, रमाइलो शुक्रबार, शिक्षक सम्मेलन, विद्यार्थी सशक्तिकरण, १० कक्षासम्म दिवा खाजा, सबै स्कूलमा स्काउट, सर्बोत्कृष्ट नगर शिक्षक सम्मान, शिक्षण सिकाइको प्राविधिक परीक्षण, अन्तरपालिका शैक्षिक साझेदारी, सार्बजनिक निजी विद्यालय साझेदारी, विद्यालय र प्रधानाध्यापकको मूल्यांकन र स्तरीकरण लगायतका कार्यक्रमहरु उत्कृष्ट कार्यक्रमका रुपमा रहेका छन् ।

जिनियस स्टार अफ नेपालको नृत्य तर्फको उपाधी रिलायन्स ईन्टरनेसनल एकेडमी कपनकी प्रयुशा अधिकारीले जितेकी छिन । Genius Digital Music Pvt Ltd को आयोजनामा सम्पन्न कार्यक्रममा बिहानी तामाङ द्वितीय तथा सायाङ लामा तृतीय भएका छन्।

बलबालिकामा रहेको नृत्य तथा गायन प्रतिभा उजागर तथा सम्मान गर्ने उद्धेश्यका साथ कार्यक्रम आयोजना गरिएको हो । प्रतियोगिताको नृत्य विधातर्फ वरिष्ठ नृत्य निर्देशक कमल राई, वरिष्ठ नृत्य निर्देशक तथा डिडानका  केन्द्रीय अध्यक्ष भुवन दास श्रेष्ठ र कलाकार पुजना प्रधान गुरुङ निर्णायकका रूपमा रहेका थिए ।

त्यसैगरी, गायन विधातर्फ वरिष्ठ संगीतकार राजु सिंह, गायक तथा संगीतकार भानुभक्त ढकाल र गायिका जुनु रिजाल निर्णायकका रूपमा रहेका थिए । चलचित्र कलाकार संघका पूर्व अध्यक्ष तथा वरिष्ठ कलाकार मोहन निरौलाको प्रमुख आतिथ्यतामा सम्पन्न कार्यक्रममा चलचित्र कलाकार संघका अध्यक्ष तथा वरिष्ठ कलाकार उत्तम के.सी. विशिष्ट अतिथिका रूपमा उपस्थित रहेका थिए  ।

कार्यक्रममा वरिष्ठ पत्रकार तथा मिलाप मासिकका प्रधान सम्पादक कृष्ण भुसाल, महाकाव्यकार क्षेमनाथ दाहाल, प्रस्तोता समाजका अध्यक्ष नरहरि प्रेमी, पत्रकार गीता अधिकारी, गायिका सारिका घिमिरे, गायक तथा संगीतकार योगेश काजी शाह, कार्यक्रम व्यवस्थापन संघका अध्यक्ष राजेन्द्र लुइटेल, गायक तथा संगीतकार राजेन्द्र बजगाई, गायक तथा संगीतकार चेतन राईलगायत कला, संगीत, पत्रकारिता तथा मनोरञ्जन क्षेत्रका विशिष्ट व्यक्तित्वहरूको समेत उपस्थिति थियो।

रिलायन्स ईन्टरनेसनल एकेडेमीले बिद्यार्थीमा रहेको मौलिक प्रतिभालाई सधै प्राथमिकतामा राखेको यस एकेडमीका सहायक प्रधानाध्यापक श्रीधरप्रसाद पौडेलले बताए । यस एकेडमीले अतिरिक्त क्रियाकलापलाई विशेष प्राथमिकतामा राख्दै विद्यार्थीको रुचि क्षमतालाई उजागर गराउन सधैं रचनात्मक खालका कार्यक्रम पनि गर्दै आएको सहायक प्रधानाध्यापक पौडेलले बताउनुभएको छ ।

आर्टिफिसियल इन्टेलिजेन्स (एआई) तथा कम्प्युटेसनल साइन्स एन्ड इन्जिनियरिङसम्बन्धी अन्तर्राष्ट्रिय सम्मेलन (IC-AICSE 2026) काठमाडौंमा आज सम्पन्न भएको छ।एभरेस्ट इन्जिनियरिङ कलेजको आयोजनामा तथा हिमालयन इन्स्टिच्युट अफ साइन्स एन्ड टेक्नोलोजीको सहआयोजनामा बुधबार बुढानीलकण्ठमा सम्पन्न भएको सम्मेलनको प्रमुख आतिथि बागमती विश्वविद्यालयका अध्यक्ष प्रा.डा. चन्द्र मणि पौडेल रहनुभएको थियो।सम्मेलनका सदस्य सचिव सहप्राध्यापक इन्जिनियर राजन लामा तथा सहआयोजकका तर्फबाट इन्जिनियर चर्चित नगिलाले उपस्थित सबैलाई स्वागत गर्नुभएको थियो।इन्जिनियर प्रकृति गिरी र इन्जिनियर जस्मी खड्काले संयुक्त रूपमा उद्घोषण गरेको सम्मेलनको उद्घाटन सत्रमा अनुसन्धान पत्रहरूको निचोड संकलित Abstract Book को अनावरण गरिएको थियो।

सम्मेलनको उद्घाटन सत्रमा OPENका अध्यक्ष नवराजपाण्डे,CAN का प्रतिनिधि, IEEE Women in Engineering का अध्यक्ष डा. प्रतिमा प्रधान,अन्तर्राष्ट्रिय प्रतिनिधि तथा आयोजक संस्थाका पदाधिकारीले नेपालमा एआई र कम्प्युटेसनल साइन्स तथा इन्जिनियरिङको विकास र सम्भावनाबारे मन्तव्य दिएका थिए।

सम्मेलनमा नाइजेरियाको युनिभर्सिटी अफ एग्रिकल्चरका प्रोफेसर डा. डेनियल ओलुवासेगुन एडम्स, लिथुआनियाका प्रोफेसर डा. अदिबायो अबायोमी–अल्ली, दक्षिण कोरियाका प्रोफेसर डा. क्युङ वाई. बे र अस्ट्रेलियाको युनिभर्सिटि अफ टेक्नोलोजि सिड्नीका डा. सोजेन प्रधानले मुख्य वक्ताका रूपमा कार्यपत्र प्रस्तुत गरेका थिए।

नेपाली र अन्य देशका विदेशी विज्ञ गरी २२० जनाले भाग लिएको सम्मेलनमा चार समानान्तर प्राविधिक सत्र सञ्चालन गरी एआई, कम्प्युटेसनल साइन्स तथा इन्जिनियरिङसँग सम्बन्धित विभिन्न विषयमा ३९ वटा अनुसन्धान पत्रहरू प्रस्तुत गरिएको थियो। समानान्तर प्राविधिक सत्रहरूको अध्यक्षता विषय विज्ञहरू ACEM काडा. विपुन मान पाटी,नेपाल इन्जिनियरिङ कलेजका डा. तुसिता चाँदनी शाही,नेपाल टेलिकमका डा. कमल लामिछाने तथा एभरेस्ट इन्जिनियरिङ कलेजका डा. सुनिल चौधरीले गरेका थिए।

सम्मेलनलाई विभिन्न संस्था तथा निकायहरूबाट प्राविधिक तथा आर्थिक सहयोग समेत गरेका थिए। नेपाल इन्जिनियरिङ परिषद्ले सम्मेलनमा कार्यपत्र प्रस्तुत गरेका विज्ञहरूलाई १ घण्टा बराबरको निरन्तर पेशागत विकासको मुल्याङ्कन गरेका छन्। त्यसैगरी सम्मेलनलाईIEEE Nepal तथा

समापन समारोहमा सह–आयोजक, प्रायोजक तथा सत्र अध्यक्ष र सह–अध्यक्षलाई सम्मान गरिएको थियो। मुख्य वक्ताहरूलाई प्रमुख आतिथिले,अनुसन्धान पत्र प्रस्तुतकर्ताहरुलाई सत्रका अध्यक्षहरूले र अन्य सहयोगीहरूलाई सम्मेलनका अध्यक्ष तथा कलेजका प्राचार्य प्रा.डा. हरिकृष्ण श्रेष्ठ तथा कलेजका प्रमुख प्रशासकीय अधिकारी श्री अरुण कुमार भण्डारीले संयुक्तरूपमा प्रमाणपत्र वितरण गरेका थिए।

अनुसन्धान पत्र प्रस्तुतकर्ता तथा अन्य सबै सहयोगीहरूलाई धन्यवाद दिँदै सम्मेलन अध्यक्षले समापन मन्तव्य दिएका थिए।

—

बुढानिलकण्ठ नगरपालिका वडा नं १० मा रहेको नेपाल चार्टर आधारभूत विद्यालयको व्यवस्थापन समिती अध्यक्षमा चन्द्रमान श्रेष्ठ चयन भएका छन।

बुढानिलकण्ठ नगरपालिका वडा नं १० को सदस्य समेत रहेका श्रेष्ठलाई बुढानिलकण्ठ बिद्यालय शिक्षा ऐन२०८२ को ब्यबस्था अनुसार अध्यक्षमा चयन गरिएको हो।

को को छन अध्यक्ष तथा सदस्यहरु ? 

नेपाल प्रिमियर लिग (एनपीएल) को तेस्रो संस्करणका लागि सुदूरपश्चिम रोयल्सले श्री एयरलाइन्सलाई आफ्नो डोमेस्टिक एयरलाइन्स पार्टनरका रूपमा अनुबन्ध गरेको छ।

साझेदारी अन्तर्गत श्री एयरलाइन्सले एनपीएल सिजनभर सुदूरपश्चिम रोयल्सका खेलाडी तथा टोली व्यवस्थापनको घरेलु हवाई यात्रालाई सहज बनाउन सहयोग गर्नेछ।

श्री एयरलाइन्सका कर्पोरेट निर्देशक अनिल मानन्धरले सुदूरपश्चिम रोयल्ससँग सहकार्य गर्न पाउँदा खुसी व्यक्त गर्दै नेपाली क्रिकेटको विकासमा आफ्नोतर्फबाट योगदान गर्न पाउनु गर्वको विषय भएको बताए।

‘सुदूरपश्चिम रोयल्ससँग डोमेस्टिक एयरलाइन्स पार्टनरका रूपमा जोडिन पाउँदा हामी निकै खुसी छौँ। नेपाली क्रिकेटको उत्थानशील यात्रामा आफ्नोतर्फबाट योगदान गर्न पाउनु हाम्रो लागि गर्वको विषय हो। एनपीएल सिजनभर सुदूरपश्चिम टोलीका खेलाडी तथा व्यवस्थापनको घरेलु यात्रालाई सहज बनाउँदै उहाँहरूको यात्राको एक हिस्सा बन्ने अवसर पाएका छौँ। सुदूरपश्चिम रोयल्सलाई मैदानमा उत्कृष्ट प्रदर्शनका लागि शुभकामना दिँदै नेपाली क्रिकेटसँगै अघि बढ्ने यस सहकार्यमा हामी उत्साहित छौँ’ मानन्धरले भने।

यस्तै सुदूरपश्चिम रोयल्सका सीईओ प्रकाश खड्काले श्री एयरलाइन्ससँगको साझेदारीले टोलीलाई अझ सहज वातावरण बनाउने उल्लेख गरे ।

‘श्री एयरलाइन्सजस्तो नेपाली हवाई सेवा प्रदायकसँग डोमेस्टिक एयरलाइन्स पार्टनरका रूपमा सहकार्य गर्न पाउँदा हामी खुसी छौं। एनपीएलको व्यस्त तालिकामा खेलाडी तथा टोली व्यवस्थापनको यात्रा सहज र व्यवस्थित हुनु निकै महत्वपूर्ण हुन्छ। श्री एयरलाइन्सको साथले हाम्रो टोलीको यात्रालाई थप सहज बनाउने विश्वास लिएका छौं। नेपाली क्रिकेटको विकाससँगै नेपाली व्यवसाय र खेलकुद क्षेत्रबीचको सहकार्यलाई अघि बढाउन यो साझेदारीले महत्वपूर्ण भूमिका खेल्नेछ’ खड्काले भने ।

भाेटेकाेसि बाढिले निम्त्याएको संकट बिजमा चुनाैतिपुर्ण महादिबेसन सम्पन्न हुदैछ ।यसै १५ औ महाधिबेसनमा बुढानिलकण्ठ वडा नं २ बाट अधिवक्ता सानुकान्छा श्रेष्ठ काे समानुपातिक जनजाति तर्फ केन्द्रीय सदस्यमा उम्मेदवारी यसै क्षेत्र बाट सभापतिमा गगन थापाकाे केन्द्रीय सभापतिमा उम्मेदवारी रहनेछ ।श्रेष्ठ नेपाली कांग्रेसको राजनितिमा बिगत लामाे समय देखि नै सक्रिय राजनिति गर्दै आइरहनु भएकाे छ ।

विदार्थि जीवन देखि नै नेबि संघबाट स्ववियु सदस्य हुँदै नेपाल ल क्याम्पस देखि  लोकतान्त्रिक मूल्य, राष्ट्रियता, सामाजिक न्याय, समावेशिता र जनउत्तरदायी राजनीतिप्रति लामो समयदेखि सक्रिय रहँदै आउनुभएकाे राजनीतिक तथा सामाजिक अभियन्ता हुनुहुन्छ।

उहाँले २०४८ सालमा तत्कालीन चपली भद्रकाली, हालको बुढानीलकण्ठ नगरपालिका वडा नं. १ र २ क्षेत्रमा नेपाल विद्यार्थी संघको संस्थापक अध्यक्षको जिम्मेवारी सम्हाल्दै संगठन निर्माणमा सक्रिय भूमिका निर्वाह गर्नुभयो। त्यसपछि जिल्ला सदस्य, क्षेत्रीय सदस्यलगायत विभिन्न संगठनात्मक जिम्मेवारीमा रहेर पार्टी संगठनलाई स्थानीय तहसम्म विस्तार गर्न योगदान पुर्‍याउनुभयो।

२०६७ सालमा तत्कालीन चपली भद्रकाली इकाइ सभापतिको जिम्मेवारी सम्हाल्नुभएका श्रेष्ठले स्थानीय तहमा संगठन विस्तार, टोलस्तरमा पार्टीको उपस्थिति सुदृढीकरण तथा कार्यकर्ताबीच समन्वयमा काम गर्नुभयो। त्यसपछि जिल्ला सदस्य हुँदै हाल प्रदेश सदस्य तथा कानुन तथा संसदीय मामिला विभाग प्रमुखको जिम्मेवारीमा रही काम गरेको अनुभव उहाँसँग छ।
सामाजिक तथा विकास निर्माणमा योगदान :

राजनीतिक गतिविधिसँगै अधिवक्ता श्रेष्ठ विभिन्न सामाजिक तथा विकास निर्माणका कार्यमा समेत सक्रिय रहनुभएको छ। उहाँ हाल बुढानीलकण्ठ क्याम्पस व्यवस्थापन समितिको सचिवका रूपमा संलग्न हुनुहुन्छ। सामुदायिक सेवा केन्द्रको संस्थापक सहसचिवका रूपमा सामाजिक सेवामा सक्रिय रहनुका साथै सामुदायिक भवन निर्माण समितिमा समेत जिम्मेवारी निर्वाह गर्नुभएको छ। स्थानीय पूर्वाधार विकासतर्फ पञ्चकन्या मार्गको प्रारम्भिक निर्माणदेखि तारेभिरसम्मको ढलान सडक निर्माणमा निर्माण समितिको संयोजकका रूपमा भूमिका निर्वाह गर्दै गुणस्तरीय सडक निर्माणमा योगदान पुर्‍याउनुभएको छ।
राजनीतिक दृष्टिकोण
श्रेष्ठको राजनीतिक यात्राको मूल आधार लोकतन्त्र, विधिको शासन, सामाजिक न्याय, समावेशी प्रतिनिधित्व, संगठनात्मक एकता र जनउत्तरदायी राजनीति रहेको छ। लामो समयको विद्यार्थी राजनीति, पार्टी संगठन, निर्वाचन अभियान, कानुनी क्षेत्र तथा सामाजिक सेवाबाट प्राप्त अनुभवलाई आगामी राजनीतिक जिम्मेवारीमा उपयोग गर्ने उहाँको दृष्टिकोण रहेको छ। लामो राजनीतिक तथा सामाजिक अनुभवलाई संस्थागत रूपमा अघि बढाउने उद्देश्यसहित नेपाली कांग्रेसको १५औँ महाधिवेशनमा समानुपातिक जनजाति तर्फ केन्द्रीय सदस्य पदका उम्मेदवारका रूपमा उहाँ आफ्नो राजनीतिक यात्रा अघि बढाइरहनुभएको छ।
उहाँको उम्मेदवारीले जनजाति समुदायको प्रतिनिधित्व, पार्टीभित्र समावेशी सहभागिता, संगठन सुदृढीकरण तथा अनुभवी नेतृत्वको संस्थागत विकासलाई प्राथमिकतामा राख्ने उद्देश्य प्रस्तुत गर्दछ।
“लोकतान्त्रिक मूल्य, संगठनप्रतिको प्रतिबद्धता र सामाजिक सेवाबाट प्राप्त अनुभवलाई पार्टी र समाजको हितमा समर्पित गर्ने” उहाँको राजनीतिक यात्राको मूल भाव हो।

अखिल नेपाल फुटबल संघ (एन्फा)का निवर्तमान अध्यक्ष कर्माछिरिङ शेर्पाले नेपाली कांग्रेसको १५औं महाधिवेशनमा केन्द्रीय सदस्य पदमा उम्मेदवारी दिएका छन् ।

काठमाडौं क्षेत्र नं.४ चारबाट महाधिवेशन प्रतिनिधिमा निर्विरोध निर्वाचित भएका शेर्पाले आदिवासी जनजाति क्षेत्रबाट कांग्रेस केन्द्रीय सदस्य पदमा उम्मेदवारी दिएका हुन् ।

‘आदिवासी समुदाय तथा खेल क्षेत्रको उत्थानलाई प्राथमिकतामा राख्दै मैले उम्मेदवारी दिएको हुँ । पार्टीभित्र आदिवासी जनजातिको प्रतिनिधित्वलाई थप प्रभावकारी बनाउँदै राज्यका विभिन्न तहमा अर्थपूर्ण सहभागिता सुनिश्चित गर्न निरन्तर आवाज उठाउने छु । नेपाली कांग्रेसका आम प्रतिनिधिले मलाई चिनेका र बुझेका छन्,’ शेर्पाले भने ।

शेर्पाको उम्मेदवारी प्रस्तावकमा काठमाडौं–४ का विमलप्रसाद कोइराला, बारा–३ का रञ्जन भट्टराई र दोलखा–१ का बाबुकाजी बस्नेत रहेका छन् । यस्तै समर्थकमा सुनसरी–१ का किशोर राई, रुपन्देही–२ का दिर्घबहादुर केसी र चितवन–२ का विनोद ढकाल रहेका छन् ।

खेल क्षेत्रमा लामो अनुभव बटुलेका शेर्पा नेपाली फुटबलका चर्चित नाम हुन् । उनले खेल क्षेत्रलाई युवाको क्षमता विकास, अनुशासन र रोजगारीसँग जोड्दै यसको संस्थागत विकासका लागि स्पष्ट नीति आवश्यक रहेको बताए ।

उम्मेदवारी दर्ता गर्दै शेर्पाले भने, ‘कांग्रेसलाई समावेशी, युवा तथा खेलमैत्री पार्टीका रूपमा थप सुदृढ बनाउन सक्दो प्रयत्न गर्नेछु । खेल क्षेत्रसँग सम्बन्धित मुद्दालाई पार्टीको केन्द्रीय तहमा प्रभावकारी रूपमा उठाउनेछु ।’

विद्यार्थी जीवनदेखि नेपाली कांग्रेसको राजनीतिमा सक्रिय शेर्पाले पार्टीको विभिन्न तहमा रहेर आफ्नो जिम्मेवारी पूरा गर्दै आएका छन् ।