एक्स मकाउ बक्सिङ ग्रुपले आईवा पुरुष विश्व बक्सिङ च्याम्पियनशिपमा ऐतिहासिक कांस्य पदक जितेका चन्द्रबहादुर थापालाई बुधबार नगदसहित सम्मान गरेको छ । सोही अवसरमा उक्त प्रतियोगितामा क्वाटरफाइनल यात्रा तय गरेका लालप्रसाद उप्रेती पनि नगदसहित सम्मानित भए ।
डिसेम्बर ३ देखि १३ तारिखसम्म दुबईमा भएको उक्त प्रतियोगिताको पुरुष ५४ केजीमा चन्द्रले कांस्य पदक जितेका थिए । विश्व बक्सिङ च्याम्पियनसिपमा पदक जित्ने चन्द्र एक्लो नेपाली बक्सिङ खेलाडी हुन् । उनले ३ राष्ट्रका खेलाडीलाई हराउदै सेमिफाइनल यात्रा तय गरेका थिए।
चन्द्रले ३० हजार र लालबहादुर २० हजार नगद पुरस्कार पाए । पुरस्कार राशीका लागि एक्स मकाउ बक्सिङ ग्रुपका संयोजक तेजबहादुर चन्दले समन्वय गरेको नेपाल बक्सिङ महासंघका सचिव पुष्करराज पन्तले जनाएका छन् ।
सोही अवसरमा प्रशिक्षकत्रय बक्सिङका मुख्य प्रशिक्षक प्रकाश थापा मगर, दीपक महर्जन र सुजित पुनलाई प्रशंसा पत्रसहित सम्मान गरिएको थियो ।
उनीहरुलाई राष्ट्रिय खेलकुद परिषद्का सदस्य–सचिव रामचरित्र मेहता, नेपाल बक्सिङ महासंघका अध्यक्ष राम अवाले, महासचिव मानबहादुर भण्डारीलगायतले एक कार्यक्रमबीच सम्मान गरे ।

भ्याली पब्लिक र न्युटन दोश्रो ज्ञान संस्कार अन्तरविद्यालय बास्केटबल प्रतियोगिताको ब्वाइजमा मंगलबार क्वाटरफाइनलमा प्रवेश गरेका छन् ।
भ्याली पब्लिकले राजन मेमोरियललाई ४१–३७ ले पराजित ग¥यो । भ्याली पब्लिकको जितमा रियान शेरचनले १२ अंक योगदान गरे । प्रकाश जोशीको ११ अंक सहयोगमा न्युटनले ग्रिनफिल्डलाई ३५–२७ ले हरायो ।
ब्वाइजमै ग्रिनल्यान्डले स्किब्सलाई २२–२०, किङडम हिमालयनले ल्यान्डमार्क एकेडेमीलाई ४५–३५, पारमाउन्ट एकेडेमीले आयोजक ज्ञान संस्कार इन्टरनेसनल स्कुललाई ३५–२५, जेबी स्कुलले हिमशिलालाई ३२–२९, डाफोडिलले काठमाडौं इङलिस स्कुललाई ५०–३७ र सेबले ह्वाइट हेभेनलाई २४–१६ ले पाखा लगाउदै क्वाटरफाइनलमा स्थान सुरक्षित गरे ।
गल्र्समा ग्रिनल्यान्ड, न्युटन, बागमती, क्यान्भास बसन्त ऋतु, भ्याली पब्लिक, टीआईए, फेरिल्यान्ड र काठमाडौं यसअघि नै क्वाटरफाइनल पुगिसकेका छन् ।

भ्याली पब्लिक र न्युटन दोश्रो ज्ञान संस्कार अन्तरविद्यालय बास्केटबल प्रतियोगिताको ब्वाइजमा मंगलबार क्वाटरफाइनलमा प्रवेश गरेका छन् ।
भ्याली पब्लिकले राजन मेमोरियललाई ४१–३७ ले पराजित ग¥यो । भ्याली पब्लिकको जितमा रियान शेरचनले १२ अंक योगदान गरे । प्रकाश जोशीको ११ अंक सहयोगमा न्युटनले ग्रिनफिल्डलाई ३५–२७ ले हरायो ।
ब्वाइजमै ग्रिनल्यान्डले स्किब्सलाई २२–२०, किङडम हिमालयनले ल्यान्डमार्क एकेडेमीलाई ४५–३५, पारमाउन्ट एकेडेमीले आयोजक ज्ञान संस्कार इन्टरनेसनल स्कुललाई ३५–२५, जेबी स्कुलले हिमशिलालाई ३२–२९, डाफोडिलले काठमाडौं इङलिस स्कुललाई ५०–३७ र सेबले ह्वाइट हेभेनलाई २४–१६ ले पाखा लगाउदै क्वाटरफाइनलमा स्थान सुरक्षित गरे ।
गल्र्समा ग्रिनल्यान्ड, न्युटन, बागमती, क्यान्भास बसन्त ऋतु, भ्याली पब्लिक, टीआईए, फेरिल्यान्ड र काठमाडौं यसअघि नै क्वाटरफाइनल पुगिसकेका छन् ।

दि एक्सेल्सियर स्कुलले राष्ट्रिय महिला फुटबल टोलीकी रेखा पौडेललाई बुधबार नगदसहित सम्मान गरेको छ । एक्सेल्सियरकै आयोजनामा बुधबारदेखि सुरु भएको १२ औं एक्सेल्सियर कपको उद्घाटनका अवसरमा रेखालाई नगद ४० हजारसहित सम्मान गरिएको हो ।
बागमती प्रदेशकी युवा तथा खेलकुद मन्त्री उर्मिला नेपाल, एक्सेल्सियरकी अध्यक्ष शीतल राणा र एक्सेल्सियरका प्रबन्ध निर्देशक राम बस्नेतले रेखालाई सम्मान पत्र, मायाको चिनो र नगद प्रदान गरी एक कार्यक्रमबीच सम्मान गरे ।
‘नेपाली महिला फुटबल खेलको विकास, सशक्तिकरण र राष्ट्रिय पहिचान स्थापित गर्न विगत ८ वर्षदेखि नेपाली राष्ट्रिय महिला फुटबल टोलीको अग्रपंक्ति खेलाडीका रुपमा अनुशासन, निरन्तर मेहनत र अतुलनीय योगदानसहित खेलप्रति पूर्ण समर्पित तपाईंले खेल मैदानमा देखाउनु भएको साहस, नेतृत्व र खेल भावना खेलकुद क्षेत्रमा मात्र नभइ सबैका लागि प्रेरणाको श्रोत बनेको छ । अतः खेलकुदलाई जित हार भन्दा माथि उठेर राष्ट्रको गौरव, एकता र आत्माविश्वासको प्रतीकको रुपमा चिनाउन सफल हुनु भएकोमा तपाईंको योगदानको उच्च कदर गर्दै र आगामी खेल जीवनको अझै उज्याले, सफल र प्रेरणादायी यात्राको शुभेच्छासहित हामी दि एक्सेल्सियर स्कुल परिवारको तर्फबाट सगौरव यो सम्मान पत्र प्रदान गरिएको छ ।’ रेखालाई प्रदान गरिएको सम्मान पत्रमा लेखिएको छ ।
बास्केटबल ः एक्सेल्सियर र रिब्सको विजयी सुरुआत
आयोजक एक्सेल्सियर र रिब्सले १२ औं एक्सेल्सियर कपअन्तर्गत बास्केटबलको सिनियर गल्र्समा बुधबार विजयी सुरुआत गरेका छन् ।
एक्सेल्सियरले ह्वाइटफिल्डलाई १४–७ ले पराजित ग¥यो । एक्सेल्सियरको जितमा अकिना घिमिरेले १२ अंक योगदान गरिन् । सुप्रिया मल्लको १२ अंक सहयोगमा रिब्सले द चाँदबाग स्कुललाई २२–१२ ले हरायो ।
फुटसल :
एक्सेल्सियर कपअन्तर्गत ब्वाइज फुटसलको यु–११ मा बोधीवृक्षले बोधीसत्वलाई ५–०, लाइफ स्कुलले बोधीवृक्षलाई ११–० र एक्सेल्सियर (ब्लु) ले बाल दीक्षा सदनलाई १–० गोलले पराजित गरे ।
यु–१३ मा एक्सेल्सियर (यल्लो) ले बाल दीक्षा सदनलाई ४–० र रिब्सलाई ३–१ तथा रिब्सले बाल दीक्षा सदनलाई ४–२ गोलले हराए ।
स्वयम्भूस्थित आयोजकै हातामा भइरहेको प्रतियोगिताको यु–१६ मा बोधीसत्वले संस्कृतिलाई ३–० तथा एक्सेल्सियर (यल्लो) ले बाल दीक्षा सदनलाई १–० गोलले पाखा लगाए ।
प्रतियोगिताको खेलकुद मन्त्री नेपालले एक कार्यक्रमबीच उद्घाटन गरिन् । माघ २३ गतेसम्म चल्ने प्रतियोगिताअन्तर्गत बास्केटबलको ३ विधामा २६ र फुटसलको ४ विधामा ५६ टिम गरी ८२ टिम सहभागी छन् ।

भ्याली पब्लिक र ह्वाइट हेभेन पाँचौं केभीकेएसएस छात्रा अन्तरविद्यालय बास्केटबल प्रतियोगितामा मंगलबार विजयी भएका छन् ।
भ्याली पब्लिकले ग्रिनल्यान्डलाई ३३–२२ ले पराजित ग¥यो । भ्याली पब्लिककी सुनमाया तामाङले ११ अंक जोडिन् । दोहोरो जित निकालेको ह्वाइट हेभेनले राई स्कुललाई १३–८ तथा आयोजक केभीकेएसएस ‘बी’ लाई १०–५ ले हरायो । विजयी टिमका लागि प्रविना तामाङले क्रमशः १२ र ६ अंक जोडिन् ।
बसुन्धरा नेसनल एकेडेमी (बीएनए) ले पारामाउन्ट एकेडेमीलाई ३०–१६, ल्यान्डमार्क एकेडेमीले हिमशिलालाई १६–१४, इडेन ब्रिज एकेडेमी (इबीए) ले काठमाडौं युरोलाई २६–१४, राई स्कुलले ज्ञानोदयलाई १४–१० र केभीकेएसएस ‘सी’ ले जेबी स्कुललाई २६–२१ ले पाखा लगाए । बीएनएकी पूर्णिमा नेपालीले १२, ल्यान्डमार्ककी अन्जली राईले ९, इबीएकी मेनुका मगरले ९, राईकी दिछेन शेर्पाले ६ र केभीकेएसएस ‘सी’ की चेलिसा गुरुङले १४ स्कोर गरे । समूह चरणका सम्पूर्ण खेल बुधबार सम्पन्न हुनेछ ।

ल्यान्डमार्क एकेडेमी र जेबी स्कुलले पाँचौं केभीकेएसएस छात्रा अन्तरविद्यालय बास्केटबल प्रतियोगितामा सोमबार सफलता पाएका छन् ।
टोखा नगरपालिकाको मिलन टोलस्थित आयोजक काठमाडौं विद्याकुञ्ज सेकेन्डरी स्कुल (केभीकेएसएस) मा भइरहेको प्रतियोगितामा ल्यान्डमार्कले ग्रिनल्यान्डलाई २६–१५ तथा जेबीले काठमाडौं युरोलाई १४–८ ले पराजित   गरे । ल्यान्डमार्ककी अन्जली राईले ८ तथा जेबीकी मेनुका थारुले ६ स्कोर गरे ।
अन्य प्रतिस्पर्धामा भ्याली पब्लिकले हिमशिलालाई १७–१०, तेजस्वी एकेडेमीले पारामाउन्ट एकेडेमीलाई २५–१२, ह्वाइट हेभेनले ज्ञानोदयलाई १०–४ र केभीकेएसएस ‘ए’ ले बसुन्धरा नेसनल एकेडेमी (बीएनए) लाई ३३–२४ ले पाखा लगाए । भ्याली पब्लिककी सपना गिरीले ६, तेजस्वीकी एस्थर बरुवालले १२, ह्वाइट हेभेनकी सेवान्तिका योञ्जनले ४ र केभीकेएसएस ‘ए’ एनी श्रेष्ठले १० अंक बटुले ।

काठमाण्डौ,माघ ९।

काठमाडौं विद्याकुञ्ज सेकेन्डरी स्कुल (केभीकेएसएस) को आयोजनामा पाँचौं केभीकेएसएस छात्रा अन्तरविद्यालय बास्केटबल प्रतियोगिता आइतबारदेखि हुने भएको छ ।
प्रतियोगितामा आयोजकको ३ सहित १६ टिम सहभागी हुने केभीकेएसएसकी प्रिन्सिपल नित्या श्रेष्ठले शुक्रबार आयोजित पत्रकार सम्मेलनमा जानकारी गराइन् । सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ । कक्षा ९ सम्म अध्ययनरतले सहभागी हुन पाउने केभीकेएसएसका बास्केटबल प्रशिक्षक दिपेश कार्कीले जानकारी दिए ।
समूह ‘ए’ मा केभीकेएसएस ‘ए’, तेजस्वी एकेडेमी, पारामाउन्ट एकेडेमी र बसुन्धरा नेसनल एकेडेमी (बीएनए) तथा समूह ‘बी’ मा भ्याली पब्लिक, ल्यान्डमार्क एकेडेमी, ग्रिनल्यान्ड र हिमशिला रहेका छन् ।
काठमाडौं युरो, इडेन ब्रिज एकेडेमी (इबीए), केभीकेएसएस ‘सी’ र जेबी स्कुल समूह ‘सी’ तथा केभीकेएसएस ‘बी’, राई स्कुल, ज्ञानोदय र ह्वाइट हेभेन समूह ‘डी’ मा छन् ।
आयोजकका अनुसार प्रतियोगिता सञ्चालन गर्न करिब २ लाख रुपैयाँ खर्च हुनेछ । माघ १७ गतेसम्म चल्ने प्रतियोगिताका खेलहरु टोखा नगरपालिकाको मिलन टोलीस्थित आयोजकको कोर्टमा खेलाइने छ ।

काठमाण्डौ ,माघ ८।

नेपाल प्रहरीका स्वनिम मानन्धर र नेपाल आर्मीका प्रवीण मानन्धर राष्ट्रिय काष्ठमण्डप कराते प्रतियोगिताको पुरुष एकल कातामा बुधबार फाइनलमा प्रवेश गरेका छन् ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहल भइरहेको प्रतियोगिताको सेमिफाइलनमा स्वनिमले एपीएफका मनीष कार्की तथा प्रवीणले बागमती प्रदेशका अमृत ठोकरलाई पराजित गरे । उक्त स्पर्धाको महिलामा एपीएफकी सन्जु देसारले बागमतीकी दीपा पुन तथा नेपाल प्रहरीकी एलिशा रास्कोटी मगरले आर्मीकी सानुमाया थिङलाई हराउदै फाइनलमा स्थान सुरक्षित गरे ।
नेपाल सितोरियो कराते संघ, शाखा डोजो लैनचौरद्वारा आयोजित प्रतियोगिताको पुरुष÷महिला टिम कातामा आर्मी र प्रहरीले उपाधि भिडन्त पक्का गरे ।
प्रतियोगिताको राखेपका सदस्य–सचिव रामचरित्र मेहताले एक कार्यक्रमबीच उद्घाटन गरे । सो अवसरमा अन्तर्राष्ट्रिय पदक विजेता निरुपा दोङ तामाङ र रेहान जावेदलाई जनही २० हजारसहित सम्मान गरिएको थियो । कराते प्रशिक्षकत्रय राजेन्द्र कपाली, अक्बर शाह र विजयमान थापा पनि सम्मानित भए ।
उद्घाटनका अवसरमा राखेप कार्यकारी समितिका सदस्यद्वय कमलबहादुर भट्टराई र रञ्जना  प्रधान, राखेपका सदस्य जगतसिंह धामीलगायतको उपस्थिति रहेको थियो ।
प्रतियोगितामा सातै प्रदेश, नेपाल प्रहरी, नेपाल आर्मी र एपीएफ गरी १० टिमबाट २ सय १० खेलाडीको सहभागिता रहेको प्रतियोगिता संयोजक रामकुमार थारुले जनाएका छन् । पुरुषमा ९ र महिलामा ८ गरी १७ स्पर्धामा समावेश छन् । टिम च्याम्पियनले १ लाख र उपविजेताले ५० हजार नगद पुरस्कार प्राप्त गर्ने छन् ।

काठमाण्डौ ,माघ ७।

नेपालय इन्टरनेसनलको आयोजनामा हिमालय बक्सिङ (अन्नपूर्ण सिरिज) मार्चमा गर्ने भएको छ । मिति भने पछि तय गर्ने नेपालयका अध्यक्ष सुवासचन्द्र प्रधानले जनाएका छन् ।
प्रतियोगितामा प्रोफेसनल र एमेच्योरतर्फ प्रतिस्पर्धा हुनेछ । प्रोफेसनलको पुरुषमा ६ तथा महिलामा २ स्पर्धामा भिडन्त हुनेछ । एमेच्योरको पुरुष÷महिलामा समान २–२ तौलसमूहमा खेल हुनेछ । हरेक स्पर्धामा २ खेलाडीबीच प्रतिस्पर्धा हुनेछ ।
अध्यक्ष प्रधानका अुनसार कुल पुरस्कार राशी करिब २० लाख रुपैयाँ रहेको छ । नेपाल बक्सिङ महासंघको स्वीकृति तथा बक्समान्डुको प्राविधिक सहयोगमा हुने प्रतियोगितामा नेपालसहित भारत, पाकिस्तान, श्रीलंका, बंगलादेश, भुटान र अमेरिकाका खेलाडी हुने बताइएको छ ।
खेलहरु ठमेलस्थित क्लब नोभामा खेलाइने छ । क्लब नोभा प्रतियोगिताको ‘भेन्यु पार्टनर’ का रुपमा रहेको  छ । त्यसका लागि नेपालयका अध्यक्ष प्रधान र नोभाका संस्थापक निर्देशक मुखिया घलेबीच सम्झौता पत्रमा हस्ताक्षर गरे ।
नेपालयले यसअघि प्रधानमन्त्री कप पुरुष क्रिकेट र यु–१४ विद्यालय खेलकुद आयोजनामा पनि सहकार्य गरेको थियो ।

काठमाण्डौ ,माघ ५।

कोशी प्राइड प्रा.लीले आयोजना गर्ने टी–२० कोशी प्राइड लिग (केपिएल) तेस्रो संस्करणको अक्सन सम्पन्न भएको छ । विभिन्न सात फ्रेन्चाइज टिमले ९ देखि २१ फागुनसम्म सुनसरीमा हुने प्रतियोगिताको लागि अक्सनबाट समान १२ खेलाडी अनुबन्ध गरेका छन् । यस्तै, हरेक टिमले ड्राफबाट तीन देखि ६ खेलाडीसम्म अनुबन्ध गरेका छन् ।

शनिबार भएको अक्सनमा २३२ खेलाडी समावेश थिए । क्याटगोरी ‘ए’ मा ३४, क्याटगोरी ‘बी’ मा ९५ तथा क्याटगोरी ‘सी’ मा १०३ खेलाडी रहेका छन् । २३२ खेलाडी मध्ये ८४ खेलाडी बिक्री भएका छन् ।

आयोजक कोशी प्राइड प्रा.लीका निर्देशक अफजल हुसैनका अनुसार अक्सनमा क्याटगोरी ‘ए’ को मुल्य न्युनतम ४५ देखि ६५ हजारसम्म, क्याटगोरी ‘बी’ को लागि २५ देखि ४५ हजारसम्म तथा क्याटगोरी ‘सी’ को मुल्य पाँच हजारदेखि २५ हजारसम्म तोकिएको थियो ।

प्रतियोगितालाई नेपाल क्रिकेट संघ (क्यान) ले स्विकृत दिएको छ भने कोशी प्रदेश क्रिकेट संघले प्राविधिक सहयोग गर्नेछ ।

आकाश खड्का मालिक रहेको एभरेष्ट थन्डर्सले राष्ट्रिय टिमका करण केसी, सोमपाल कामी, युवराज खत्री र रञ्जित कुमारलाई ड्राफबाट ल्याउँदा अक्सनबाट नारायण जोशी, आकाश त्रिपाठी, दीपेन्द्र रावत, रोशन विश्वकर्मा, पुजन विक, सलाहुद्धिन खान, सहिल पटेल, प्रज्वल थापा, लोकेश जोशी, भोला कुमार शाह, सिभम तिवारी र रविन्द्र मण्डललाई अनुबन्ध गरेको छ ।

धर्म न्यौपाने मालिक रहेको नमुना ब्लास्टर्सले राष्ट्रिय टिमका नन्दन यादवसहित गौरव कट्वाल र प्रकाश कार्कीलाई ड्राफबाट लिएको छ । यस्तै, अक्सनबाट अमित श्रेष्ठ, विपिन रावल, किरणकुमार ठगुन्ना, दयानन्द मन्डल, विपिन आचार्य, विपिन आचार्य, सन्दीप ढुंगाना, प्रतिक श्रेष्ठ, अभिशेष गौतम, राजु विश्वकर्मा, प्रभात राई, सचिन लेखक र नितेश कुमार यादव छन् ।

कल्पित ढकाल मालिक रहेको इटहरी आदर्श जायन्ट्सले कुशल मल्ल, भुपाल लुइटेल, बिनोद भण्डारी, दिपेश कँडेल र रुपेश सिंहलाई ड्राफबाट अनुबन्ध गर्दा अक्सनबाट अर्जुन कुमाल, अमरसिंह रौटेला, युुनिस विक्रम सिंह ठकुरी, सुनिल धमला, नरबहादुर सार्की, समिर कार्की, आशुतोष घिरैया, श्रवण यादव, आकाश सरार्फ, विकल्प आचार्य, रितेश रोय र समिर तिमल्सिना भित्राएको छ ।

विर्तामोड हिट्सले राष्ट्रिय टिमका अलराउन्डर गुल्शन झा, शेर मल्लसँगै दिनेश अधिकारी, भिम सार्की र अर्जुन साउदलाई ड्राफबाट अनुबन्ध गर्दा सन्तोष यादव, दीपक डुम्रे, विकास आग्री, रविन्द्र जंगशाही, विवेक केसी, बिशाल सुस्लिङ, सार्थक धिताल, अशोक धामी, राजेन्द्र बम, आयुष न्यौपाने, रुपक बराल र रोशन साउदलाई अक्सनबाट अनुबन्ध गरेको छ । टिमको मालिकमा अनुराग प्रमानिक हुन् ।

त्यस्तै, संजोक राणा मालिक रहेको पुर्वेली सुपर किंग्स ड्राफबाट ललित राजवंशी, मोहम्मद आदिल आलम, अर्जुन घर्ती, तृतराज दास, दिवन पुन र भरत कार्कीलाई अनुबन्ध गर्दा अक्सनबाट नरेन साउद, रिजन ढकाल, मयन यादव, आदिल खान, बिशाल पटेल, इमरान शेख, चिराग शाह, दिपक पास्वन, सोनु शर्मा, अभिषेक कार्की, मोहम्मद समिर र अभिषेक शर्मालाई टिममा समावेश गरेको छ ।

मोहम्मद सेराज अन्सारी मालिक रहेको बिएन कोशी अर्नासले फिर्दाेस अन्सारी, सुजन थपलिया, सन्तोष कार्की र भुवन कार्कीलाई ड्राफमा तानेको छ । शंकर राना, विपिन खत्री, हिमांशु दत्त, दिपेश श्रेष्ठ, शाकिव हक, सुमित श्रेष्ठ, कमल गुप्ता, लोकेन्द्र बहादुर चन्द, जोसक खड्का, कमललुद्धिन मियान, शिभान यादव र अफन ताहिरलाई अक्सनबाट अनुबन्ध गरेको छ ।

गोर्खा एभेन्जर्सबाट कोशी प्राइड लिगमा शाहव आलम, बसिर अहमद, पवन सरार्फ, रसिद खान र देव खनाल खेल्दैछन् । सबै खेलाडी ड्राफका हुन् । यता, अक्सनबाट दिपक बोहरा, आकाश चन्द, शुभ कंसकार, दुर्गेश गुप्ता, अयजकुमार चौहान, उत्तम रंगु थापामगर, सन्दीप बहादुर रजाली, तुलबहादुर थापा, विक्रम खड्का, सन्दीप मौर्या, राजु भुसाल र रौनक स्रिवास्तव रहेका छन् ।