काठमाण्डौ ,भाद्र ३ ।

नेपाल सरकारका शिक्षा, युवा तथा खेलकुद मन्त्रि सस्मित पोखरेलले बुढानिलकण्ठ नगरपालिकाका विभिन्न सामुदायिक विद्यालयहरुको अवलोकन गरेका छन।

सामुदायिक विद्यालयहरुको शैक्षिक सुधार र अवस्थाको वास्तविक अध्ययनका लागि स्थलगत अभियान शुरु गरेका मन्त्रि पोखरेलले बुढानिलकण्ठ नगरपालिकाका ८ वटा विद्यालयमा पुगेर विद्यार्थी , शिक्षक तथा सरोकारवाला पक्ष संग अन्तरक्रिया समेत गरेका थिए।

काठमाण्डौ क्षेत्र नं ५ का प्रातिनिधि सभा सदस्य समेत रहेका मन्त्रि पोखरेलले  बाल विकास समाज आधारभूत विद्यालय, पन्चकन्या मावी, बुढानिलकण्ठ मावी, आत्म विकास आधारभूत विद्यालय, श्री राम आधारभूत विद्यालय, मदन आश्रित आदर्श मावी , भद्रकाली आधारभूत विधालय र गणेश मावीक स्थलगत अवलोकन गर्दै अन्तरक्रिया गरेका थिए।

सो अवलोकनका क्रममा मन्त्री पोखरेलले विद्यालयको अवस्थाबारे स्थलगत जानकारी लिएपछि उठाइएका समस्या तथा आवश्यकताका विषयमा आफ्नो तहबाट सक्दो समाधानका लागि पहल गर्ने प्रतिबद्धता व्यक्त गरेका थिए ।

काठमाण्डौ ,भाद्र ३ ।

काठमाडौँ महानगरपालिका अन्तर्गत सञ्चालित २२ वटा माध्यमिक र १४ वटा आधारभूत सामुदायिक विद्यालयहरूमा रिक्त रहेका तथा पदावधि सकिन एक महिनाभन्दा कम अवधि बाँकी रहेका विद्यालयका प्रधानाध्यापक पदमा पदपूर्ति गर्नुपर्ने भएकाले तोकिएको योग्यता पुगेका इच्छुक स्थायी शिक्षकहरूबाट दरखास्त आह्वान गरेको छ।

काठमाण्डौ महानगरपालिकाको यो सुचना संगै काठमाण्डौ जिल्लाका अन्य स्थानीय तहहरुलाई पनि लामो समय देखि कानुनी प्रावधान र योग्यता नपुग्दा पनि प्रधानाध्यापकका रुपमा काम गरिरहेकाहरुलाई प्रतिस्थापन गरेर नयाँ नियुक्ति गर्न दवाव परेको छ।

काठमाण्डौ जिल्लाका धेरै सामुदायिक विद्यालयहरुमा योग्यता र कानुनी आधार नपुग्दा पनि कार्यरत रहेका प्रधानाध्यापकहरु कार्यरत रहेकोमा केहि पालिकाहरुले नियम संगत नियुक्ति गर्ने प्रक्रिया अगाडी बढाउदा अदालतका कारण रोकिएका थिए।

यसै क्रममा बुढानिलकण्ठ नगरपालिकाले पनि २०८० शालमा नै प्रधानाध्यापक नियुक्त गर्नका लागि परिक्षाको प्रक्रिया पुरा गरेर अगाडी बढेको अवस्थामा सर्वोच्च अदालतले सो प्रक्रिया रोकेको थियो।

नगरपालिकाका अधिकांस विद्यालयमा ऐन र कानुन विपरित प्रधानाध्यापक नियुक्त भएको भन्दै सो पहल थालेको बुढानिलकण्ठ नगरपालिकाले अदालतको आदेश पश्चात प्रक्रिया रोकेको थियो।

अहिले काठमाण्डौ महानगरपालिकाले सो प्रक्रिया थालनी गरे संगै बुढानिलकण्ठमा पनि शिक्षा ऐन र कानुन बमोजिम प्रधानाध्यापक नियुक्त गर्ने तयारी शुरु गरिएको श्रोतले जानकारी दिएको छ।

बुढानिलकण्ठ नगरपालिकाले नियम संगत रहेका र नियम संग मेल नखाने प्रधानाध्यापकहरुको अभिलेख तयार पारेको र चाडै संसोधित ऐन अनुसार नयाँ नेतृत्व चयनका लागि प्रक्रिया शुरु गर्ने श्रोतको दावी रहेको छ।

काठमाण्डौ ,भाद्र ३ ।

नेपाल स्क्वास ¥याकेट्स संघको आयोजनामा पीएसए नेपाल स्याटेलाइट स्क्वास प्रतियोगिता भदौ ६ गतेदेखि हुने भएको छ ।
नेपालमा पहिलोपटक हुने लागेको ¥याङकिङ प्रतियोगिता ४ दिनसम्म ललितपुरको सातदोबाटोमा हुने मंगलबार आयोजित पत्रकार सम्मेलनमा आयोजक संघका अध्यक्ष धुव्रबहादुर गुरुङले जानकारी दिए ।
प्रतियोगितामा नेपालसहित भारत, बंगलादेश, श्रीलंका, मलेसिया र बेलायतबाट १६ पुरुष खेलाडीले प्रतिस्पर्धा गर्नेछन् । नेपालबाट अरहान्तकेशर सिम्ह, दीपक थापा, पासाङ ब्लोन, सरोज तामाङ, राकेश परियार र नयनबहादुर मगरले चुनौती पेश गर्ने छन् ।
प्रतियोगिताको कुल पुरस्कार राशि १ हजार अमेरिकी डलर रहेको छ । विजेताले ४००, उपविजेताले २०० तथा सेमिफाइनलमा पुग्ने दुई खेलाडीले जनही १०० अमेरिकी डलर प्राप्त गर्ने प्रतियोगिताका निर्देशक रुपकदास ताम्राकारले बताए । त्यस्तै क्वार्टरफाइनलमा पुग्ने खेलाडीलाई जनही ५० अमेरिकी डलर पुरस्कार प्रदान गरिनेछ ।

काठमाण्डौ ,भाद्र २।

रिलायन्स एजुकेसन नेटवर्कको  आरपीमुन (RPMUN)  एघारौं सस्करण भव्यताका साथ रिलायन्स पब्लिक स्कुलको सभाहल कपनमा सम्म्पन्न भएको छ  ।

समापन समारोहको अध्यक्षता गर्दै रिलायन्स एजुकेसन नेटवर्कका संचालक तथा सिनियर चार्टर्ड एकाउन्टेन्ट राजुकुमार सिवाकोटीले यस्ता अन्तर्राष्ट्रिय फार्म्याटका कार्यक्रमले विद्यार्थीमा आत्मविश्वास तथा नेतृत्व विकासमा अत्यन्तै राम्रो प्रभाव पार्ने बताए।

कार्यक्रमको शुरूवातमा नै दुई मिनेटको ध्यान तथा थीम अफ द मन्थको परिचर्चा रेनका संचालक समिती सदस्य तथा सस्कृती विभाग प्रमुख दामोदर निरौलाले गर्नु भयो आठ वटै समितिका उत्कृष्ट विधार्थीहरुलाई समिती अध्यक्षमार्फत घोषणा भएको थियो ।

उपस्थित सबै महानुभावहरुलाई धन्यवाद ज्ञापन रेनका संचालक समिति सदस्य तथा रिलायन्स पब्लिक स्कुलका प्रधानाध्यापक वसन्तलाल लामिछानेले गरेका थिए । समापन समारोहको प्रमुख अतिथि रिलायन्स एजुकेसन नेटवर्कका संचालक नन्दुप्रसाद कुशवाहा  रहेका थिए ।

उक्त ३ दिने रास्ट्रीय सम्मेलनको रु महासचिवको रुपमा रोहित सन्जेल रहेका थिए।  सम्मेलन निर्देशक दिलिप नेपाल र महासचिव सन्जेलका अनुसार यो सम्मेलनको बारौ सस्करण अगामी वर्ष भव्यताका साथमा आयोजना गरिने जानकारी दिएका छन  । देशभरीबाट २२ वटा स्कुल मार्फत २०४ जना प्रतिनिधि उक्त रास्ट्रीय सम्मेलनमा भाग लिन काठमाडौ कपनमा उपस्थित भएका थिए ।

काठमाण्डौ ,भाद्र २।

बुढानिलकण्ठ नगरपालिकाले आर्थिक वर्ष २०८२/८३ को वार्षिक नगर विकास योजनामा क्षमता विकासलाई मात्रै करिव १ करोड रकम बिनियोजन गरेको छ। हरेक वर्ष पुरानै कर्मचारीहरुको क्षमता विकासका लागि नगरपालिकाका विभिन्न शाखाहरुले योजना तथा कार्यक्रमहरुमा विभिन्न शिर्षक राख्दै बजेट विनियोजन गरेका छन।

नेपाल सरकारले लिएको निकै कठिन मानिने लोक सेवा आयोगले लिएको परिक्षामा सफल भएका संघीय निजामती कर्मचारी देखि नगरले  नियुक्त गरेका करार कर्मचारीहरुको क्षमता विकासलाई प्राथमिकतामा राख्दै हरेक वर्ष विभिन्न रिसोर्ट र होटलहरुमा कार्यक्रम गर्दै आएको बुढानिलकण्ठ नगरपालिकाले यस वर्षको बजेटमा पनि त्यस्ता कार्यक्रमलाई निकै महत्व दिएको छ।

बुढानिलकण्ठको बजेटलाई नगरवासी समक्ष जानकारी दिन कपन अनलाइनले शुरु गरेको यस शृंखलामा नगर स्तरीय बजेटमा रहेका क्षमता विकासका कार्यक्रहरुलाई समेटिएको छ।

आर्थिक सुशासन र मितव्ययितालाई आफ्नो मुख्य नारा बनाएको नगरपालिकाले यस आर्थिक वर्षको बजेटमा क्षमता विकासका लागि निम्न नगर स्तरीय कार्यक्रम तय गर्दै बजेट व्यवस्थापन गरेको छ ।

१.अधिकृत स्तर तथा शाखा प्रमुखहरुको क्षमता विकास तालिम : ८ लाख

२. कर्मचारीको क्षमता विकास तथा प्रोत्साहन : १० लाख

३.कार्यालय सहयोगीहरुको क्षमता विकास : ५ लाख

४.नगर प्रहरीको क्षमता विकास : २ लाख

५.महाशाखा प्रमुखहरुलाई क्षमता विकास : ५ लाख

६.महिला जनप्रतिनिधिहरुलाई क्षमता विकास : १० लाख

७.वडा सचिवहरुको क्षमता विकास : ५ लाख

८.स्वास्थ्य संस्थाका प्रमुखहरुको क्षमता विकास : ५ लाख

९.सहायक स्तरका कर्मचारीहरुको क्षमता विकास :१० लाख

१०. युवा परिषद,क्षेत्र विकास समिति र पर्यटन बोर्डका पदाधिकारीहरुको क्षमता विकास :१० लाख

११.कर्मचारी तथा जनप्रतिनिधिहरुको पुनर्ताजगी (Refreshment) कार्यक्रम : १० लाख

१२. क्षमता विकास योजना निर्माण : ५ लाख

१२. कर्मचारीलाई तालिम इ सर्भिस : २ लाख

१३. अन्तर नगरपालिका सिकाइ आदान प्रदान : ५ लाख

१४. जनप्रतिनिधि र कर्मचारीहरुको राजस्व सम्बन्धि क्षमता विकास : १० लाख

१५. जनप्रतिनिधिलाई मेलमिलाप तालिम : ३ लाख

यस आलेखमा माथि प्रस्तुत गरिएका कार्यक्रमहरु नगरपालिकामा रहेका विभन्न शाखाहरुले वार्षिक योजना तथा कार्यक्रममा राखेका योजनाहरु रहेका छन।

यसमा वडाहरुले राखेका अवलोकन भ्रमण,क्षमता विकास र अन्य पुनर्ताजगीका कार्यक्रमहरुलाई समेटिएको छैन ति कार्यक्रमहरु आगामी आलेखमा राख्ने छौ।

त्यस्तै नगरपालिकाले आयोजना गर्ने कार्यक्रमहरुलाई प्रभावकारी बनाउनका लागि भएका पहलहरु कमसल भएको आरोप लाग्दै आएको समयमा तालिम र कार्यक्रममा निकै ठूलो रकम खर्च हुनु निराशाजनक रहेको स्थानीयहरुको आरोप समेत रहेको छ।

वडा स्तरीय क्षमता विकास र पुनर्ताजगीको रकम र कार्यक्रम बुढानिलकण्ठको बजेट-२ मा प्रस्तुत गर्नेछु ।

कपन अनलाइन

काठमाण्डौ ,भाद्र २।

काठमाण्डौ ,भाद्र २/नबिन कुमार रोकाया
साहित्य केवल शब्दहरूको संयोजन होइन । यो समाजको आत्मा हो । यसले समयको चित्र कोर्छ, पीडालाई स्वर दिन्छ, प्रेमलाई अनुभूतिमा बदल्छ र भविष्यलाई मार्गदर्शन गर्ने चेतना निर्माण गर्छ । तर एउटा साहित्यकार जतिसुकै प्रतिभाशाली भए पनि ऊ सधैं एक्लै अगाडि बढ्न सक्दैन । सिर्जनाको यात्रामा उसलाई संवाद, सहकार्य, समीक्षा, प्रेरणा र आत्मीयताको आवश्यकता पर्छ । यही आवश्यकतालाई पूरा गर्ने साझा चौतारी हो महफिल ।
महफिल भन्नाले केवल औपचारिक कार्यक्रम वा कविगोष्ठीलाई मात्र बुझ्नु हुँदैन । महफिल भनेको विचारहरूको मिलन हो, सिर्जनात्मक ऊर्जाको आदानप्रदान हो, अनुभवी र नवप्रतिभाबीचको सेतु हो । जहाँ कविता सुनिन्छ, कथा जन्मिन्छ, गजल गुन्जिन्छ, आलोचना सभ्य ढंगले स्वीकार गरिन्छ र नयाँ सिर्जनाले आफ्नो पहिलो श्रोता भेट्छ ।
आज नेपाली साहित्य विश्वभर फैलिएको छ । नेपालभित्र मात्र होइन विदेशमा रहेका नेपाली साहित्यकारहरूले पनि उल्लेखनीय सिर्जना गरिरहेका छन् । तर भौगोलिक दूरीका कारण धेरै प्रतिभाहरू एकअर्कासँग जोडिन सकिरहेका छैनन् । यस्तो अवस्थामा नियमित साहित्यिक महफिलहरूले देश–विदेशका स्रष्टाहरूलाई एउटै भावनात्मक सूत्रमा बाँध्न सक्छन् । प्रविधिको विकाससँगै अनलाइन महफिलहरूले यो सम्भावनालाई अझ फराकिलो बनाइदिएका छन् ।
महफिलले साहित्यकारलाई केवल आफ्ना रचना सुनाउने अवसर मात्र दिँदैन । उसलाई सुन्ने संस्कार पनि सिकाउँछ । राम्रो साहित्य सुनेपछि आफ्ना कमजोरीहरू देखिन्छन्, नयाँ शैलीहरू सिकिन्छन् र सिर्जनात्मक दृष्टिकोण फराकिलो बन्छ । स्वस्थ समीक्षा र आत्मीय सुझावले एउटा सामान्य लेखकलाई परिपक्व साहित्यकार बन्न मद्दत पु¥याउँछ ।
नयाँ पुस्ताका साहित्यकारहरूका लागि महफिल झन् महत्वपूर्ण छ । धेरै युवाहरूमा लेख्ने क्षमता हुन्छ तर आत्मविश्वासको अभावले उनीहरू आफ्नो सिर्जना सार्वजनिक गर्न हिच्किचाउँछन् । महफिलले उनीहरूलाई पहिलो मञ्च दिन्छ, पहिलो ताली दिन्छ र पहिलो हौसला दिन्छ । यही हौसलाले भोलिका उत्कृष्ट साहित्यकार जन्माउन सक्छ ।
साहित्यिक महफिलले पुस्तान्तरणको काम पनि गर्छ । वरिष्ठ साहित्यकारहरूको अनुभव र कनिष्ठ पुस्ताको उत्साह एउटै स्थानमा भेटिँदा साहित्यिक परम्परा जीवित रहन्छ । अनुभवले नवीनतालाई दिशा दिन्छ भने नयाँ सोचले परम्परालाई समयानुकूल बनाउँछ । यसरी महफिलले साहित्यको निरन्तरता सुनिश्चित गर्छ ।
आज सामाजिक सञ्जालको युगमा धेरै लेखहरू प्रकाशित भइरहेका छन् । तर सबै सिर्जनाले गुणस्तरको समीक्षा पाउँदैनन् । महफिलमा प्रत्यक्ष वा अनलाइन रूपमा हुने छलफलले सिर्जनालाई परिमार्जन गर्ने अवसर दिन्छ । आलोचना विरोध होइन, सुधारको आधार हो भन्ने संस्कार पनि यस्ता भेटघाटबाट विकसित हुन्छ ।
महफिलले साहित्यकारहरूबीच आत्मीय सम्बन्ध पनि निर्माण गर्छ । एउटै भावनाले जोडिएका मानिसहरूबीच सहकार्य, सम्मान र सहअस्तित्वको भावना बलियो बन्छ । प्रतिस्पर्धाभन्दा सहयात्राको भावना विकास हुँदा साहित्यिक वातावरण अझ स्वस्थ र सिर्जनशील बन्छ ।
आजको आवश्यकता केवल कार्यक्रम गर्ने होइन निरन्तर चलिरहने साहित्यिक अभियान निर्माण गर्ने हो । गाउँदेखि शहरसम्म, विद्यालयदेखि विश्वविद्यालयसम्म, देशदेखि विदेशसम्म साहित्यिक महफिलहरू नियमित रूपमा सञ्चालन हुन सके नेपाली साहित्यले नयाँ उचाइ प्राप्त गर्नेछ। त्यस्ता महफिलहरूमा कविता, गजल, मुक्तक, कथा, निबन्ध, पुस्तक समीक्षा, साहित्यिक बहस र नवप्रतिभा परिचयजस्ता विविध कार्यक्रम समेटिन सकिन्छ ।
हरेक साहित्यिक संस्था, साहित्यप्रेमी समूह र स्रष्टाले महफिललाई आफ्नो साझा अभियान बनाउनुपर्छ । किनकि एउटा साहित्यकारको सफलता व्यक्तिगत उपलब्धि मात्र होइन, सम्पूर्ण भाषिक र सांस्कृतिक सम्पदाको समृद्धि पनि हो ।
अन्ततः साहित्यको विकास केवल पुस्तक प्रकाशनले मात्र सम्भव हुँदैन । विचारहरूको भेट, सिर्जनाको सम्मान, स्वस्थ संवाद र आत्मीय सहकार्यले मात्र साहित्यलाई जीवित र गतिशील राख्न सक्छ । त्यसैले महफिल कुनै विलासिता होइन, नेपाली साहित्यको वर्तमान र भविष्यका लागि अपरिहार्य आवश्यकता हो । जहाँ शब्दहरू सम्मानित हुन्छन्, सिर्जनाले श्रोता पाउँछ, प्रतिभाले अवसर भेट्छ र साहित्यले नयाँ जीवन प्राप्त गर्छ । यही कारणले प्रत्येक साहित्यकार, प्रत्येक साहित्यिक संस्था र प्रत्येक साहित्यप्रेमीले महफिलको संस्कृति विस्तार गर्न आजैदेखि अग्रसर हुन आवश्यक छ । यही अभियानले नेपाली साहित्यलाई अझ समृद्ध, सशक्त र विश्वव्यापी बनाउने विश्वास गर्न सकिन्छ ।

सहकार्य : कपन बानेश्वर साहित्यिक साप्ताहिक

काठमाण्डौ ,भाद्र २।

नानाफूल फुलेर यो जगतमा बास्ना दिनेछन् सखा
जास्तोजाइ छदिव्य पुष्पजगमा त्यै पुष्प हो दोलखा
कालिञ्चोक मनोरणीय सबमा हो तीर्थमा उत्तम
गौरीशंकर एक यन्त्रक घड़ी मानिन्छ यो देशमा ।।१।।

गौरीशंकर मात्र यन्त्र नभई कैलाश हो देशको
हाम्रो स्वीजरल्याण्ड बन्दछ जिरी होविश्वमा सानयो
सर्वोत्कृष्टछ पोखरी शिवजटा त्योनाम राख्या थियो
रामेछाप र दोलखा विच सिमानाक्षेत्र गासीँदियो ।।२।।

शैलुङ् दिव्य विचित्र छ बुझ सखे आश्चर्यवैज्ञानिक
एकै ठाउँ सयौ छ पर्वत अहो कस्तो लिला निर्मित
भन्छन् नाभि छ विश्वको जगतमात्यैनाभि होदोलखा
शैलुङ्गेश्वरदेव रक्षक बनी छन् नाइटोमा सखा ।।३।।

हाम्रो वेद पुराण भन्दछ यहीं हो दोलखा पावक
हिन्दूका भिमसेन हुन् शिव रुपी नेपाल संरक्षक
ज्योतिर्लिङ्ग भिमेश्वर प्रमुख हो हिन्दूत्व संस्कारमा
आएका शिव कालभैरव बनी कोशीनदी छेउमा ।।४।।

क्षेत्री ब्राह्मण वैश्यशुद्र सबको साझा भएता छ नि
नाना धर्म र जात भेद नगरी जीरेल थामी पनि
मौका मिल्छ भने विशेष बखमा घुम्नै छ मेरो सखा
सर्बोत्कृष्ट परेटकीय जगको संमृद्ध यो दोलखा ।।५।।

सहकार्य : कपन बानेश्वर साहित्यिक साप्ताहिक

काठमाण्डौ ,भाद्र २।

१. नभ सागर हो भरिपूर्ण सधैँ
नभ यो घर हो अति स्वच्छ सबै
नभ कानुन हो सब रीत सही
सुख भेट्दछु के ? नभमा म गई

२. कति बादलका सँग गाउँछ यो ?
कति नीर दलेर नुहाउँछ यो ?
कति घाम र जून सजाउँछ यो ?
कति दङ्ग परेर लजाउँछ यो ?

३. जति वेग हवा छरिएर उडोस्
जति मेघ गरी डमडम्म कुदोस्
जति पीण्ड घुमुन् पर पङ्ति बनी
न दवाव लिने, न त चित्त रुने

४. नभ घुम्छु भनौँ सकिँदैन घुमी
नभ चुम्छु भनौँ सकिँदैन चुमी
छ अपार हरे कुन पार तरौँ?
पर भाग्दछ के व्यवहार गरौँ?

५. तँ चरी कसरी प्रिय बन्न सकिस् ?
नभ डुल्छु मजासँग भन्न सकिस् ?
भन हे ग्रह हो अडियौ कसरी ?
भन बोटहरू ठडियौ कसरी ?

६. सकिँदैन समाउन साथ छ यो
सकिँदैन मनाउन सक्दछ को
सकिँदैन गलाउन यो छ खरो
सकिँदैन चलाउन यो छ दरो

७. जग मर्दछ रे नभ बाँच्छ सधैँ
सब चिन्तित छन् नभ नाच्छ सधैँ
दृढ बन्नु प¥यो, नभझैँ म टिकौँ
व्यवहार सफा, नभबाट सिकौँ ।

सहकार्य : कपन बानेश्वर साहित्यिक साप्ताहिक

• • १६ वर्ष पूरा भई २५ वर्ष ननाघेको नेपाली नागरिक।
  • बूढानीलकण्ठ नगरपालिकाको स्थायी बासिन्दा।
  • युवाहरूको क्षेत्रमा योगदान पुर्‍याइरहेको व्यक्ति।
  • फौजदारी अभियोगमा सजाय नपाएको व्यक्ति।