गौशाला वृत उपत्यकाको उत्कृष्ट प्रहरीचौकी
काठमाडौं, ३ मंसिर उपत्यकाका वृत्तहरुमध्ये महानगरीय प्रहरी वृत्त गौशला उत्कृष्ट भएको छ । महानगरीय प्रहरी दिवसको उपलक्ष्यमा महानगरीय प्रहरीले हिजोगरेको अन्र्तर प्रहरी कार्यालयबीचको प्रतिस्पर्धामा गौशला वृत्त उत्कृष्ट भएको हो । वृत्तका प्रमुख डिएसपी सुरेन्द्र मैनालीलाई प्रहरी महानिरीक्षक उपेन्द्रकान्त अर्याल तथा एआईजी बिज्ञानराज शर्माले प्रशंसापत्र दिएका छन् ।
वृत्तले गुण्डागर्दीमा संलग्न तथा विभिन्न घटनाको सफल अनुसन्धान गरी आफ्नो क्षेत्रमा शान्ति सुरक्षा कायम गर्न अन्य वृत्तले भन्दा राम्रो काम गरेकाले महानगरीय प्रहरी कार्याल्यले गौशला वृत्तलाई पुरस्कृत गरेको हो । गौशला वृत्तका डिएसपी सुरेन्द्र मैनाली गुण्डागर्दीमा संलग्न १२ जनालाई पक्राउ गरी कारबाही गरीसकेका छन् । त्यस्तै विभिन्न घटनाको सफल अनुसन्धान समेत गरेका थिए ।
त्यस्तै महानगरीय प्रहरी परिसर काठमाडौंका डिएसपी रेवती ढकाल पनि उत्कृष्ट कार्यसम्पादन गरेकोमा पुरस्कृत भएका छन् । इन्सपेक्टर टिकाराम रेग्मी, हवल्दार धर्मराज खड्का र जवान कुमार कार्की पनि उत्कृष्ट कार्य गरेकोमा आईजीपीबाट पुरस्कृत भएका छन् ।
