माओवादीका अध्यक्ष पुष्पकमल दाहाल ‘प्रचण्ड’ चीन भ्रमण जाने
काठमाडौं, १९ असोज । एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ चीन भ्रमण जाने भएका छन् ।
भारतले नेपालमा नाकाबन्दी गरिरहेको अवस्थामा चीनसँग थप सम्बन्ध विस्तार गर्नका लागि उच्चस्तरीय राजनीतिक भेटवार्ता गर्न प्रचण्ड आगामी अक्टोबर १५ मा राजधानी बेइजिङ जान लागेको स्वकीय सचिव चूडामणि खड्काले जानकारी दिनुभयो ।
भ्रमणका क्रममा उच्चस्तरीय राजनीतिक भेटघाटका साथै प्रचण्डले नेपालको संविधान निर्माण र त्यसपछिका राजनीतिक घटनाक्रमबारे चिनियाँ नेतृत्वलाई जानकारी गराउने कार्यक्रम रहेको छ । चिनियाँ कम्युनिस्ट पार्टीको विदेश विभागद्वारा आयोजित ‘सिल्क रोड’ सम्बन्धी एसियाली राजनीतिक दलहरूको विशेष सम्मेलनमा पनि प्रचण्डले सहभागिता जनाउने खड्काले बताउनुभयो ।
तपाइँको प्रतिक्रिया ।
