जोरधारा खानेपानी संस्थाले माघ १७ गते बालउद्धारमा साधारणसभा गर्ने

कपन अनलाइन\माघ १३, २०७१
साविक कपन गाविसका १००० घरमा खानेपानीको आपूर्ति गर्दै आएको जोरधारा खानेपानी संस्थाले आगामि माघ १७ गते आफ्नो चौथो अधिवेशन तथा ८ औं साधारणसभा गर्दैछ । बिहान ११ बजेबाट हुने कार्यक्रम बालउद्धार उच्च माविको प्रांगणमा हुने जनाइएको छ । यस अघि ओस्कार स्कूलमा हुने भनिएको कार्यक्रम बालउद्धारमा सारिएको होे । खुल्ला र बन्द सत्र गरी दुई चरणको कार्यक्रम आयोजना गरिने क्रममा खुल्ला सत्रमा बुढानीलकण्ठ नगरपालिकाका नवनियुक्त कार्यकारी अधिकृत प्रमुख अतिथि हुने संस्थाले जनाएको छ । अतिथि, पर्यवेक्षकबाहेक २३४ जना जोरधारा खानेपानी संस्थाको प्वाइन्ट प्रतिनिधिले साधारणसभा तथा अधिवेशनमा भाग लिने छन् । खानेपानीका क्षेत्रमा काम गर्ने सार्वजनिक संस्थाहरुमा देशकै ठूला संस्थामध्ये एक मानिने जोरधारा खानेपानी संस्थाले यो अधिवेशनबाट नयाँ नेतृत्व परिवर्तन गर्ने जनाइएको छ । करिब १२ वर्षदेखि खानेपानीको क्षेत्रका काम गरिरहेको यो संस्थामा हालसम्म डिल्लिप्रसाद ढकाल अध्यक्षको रुपमा क्रियाशिल छन् ।