मंसिर २५ गते महाकवि देवकोटाको स्मृतिमा रियाको आठौँ साहित्य विशेष कार्यक्रम

कपन अनलाइन, २३ मंसिर, २०७३

देशकै महत्वपूर्ण तथा चर्चित शैक्षिक संस्था रिलायन्स इन्टरनेसनल एकेडेमीले वार्षिकरुपमा आयोजना गर्ने साहित्यिक कार्यक्रम मंसिर २५ गते शनिवार हुने भएको छ । उपत्यकाव्यापी अन्तरविद्यालय वक्तृत्वकला प्रतियोगिताको साथ काव्यिकगोष्ठीसमेत हुने कार्यक्रमलाई विगत ८ वर्षदेखि रिया साहित्य समाजले संचालन गर्दै आएको छ ।

मंसिर २५ गते हुने साहित्य विशेष कार्यक्रमका प्रा डा वासुदेव त्रिपाठी प्रमुख अतिथि रहने जनाइएको छ । रियाले हरेक वर्ष गर्ने स्रष्टासम्मान कार्यक्रम अन्तर्गत यस वर्ष प्रा डा केशवप्रसाद उपाध्यायलाई गर्ने प्रदान गर्नेछ । महाकवि लक्ष्मीप्रसाद देवकोटाको स्मृतिमा आयोजना हुने यस कार्यक्रममा विशिष्ट कविहरुले कवितावाचनसमेत गर्ने छन् । कार्यक्रम रिलायन्स एकेडेमी प्रांगणमा हुनेछ ।